Wyn vir Beginners

Wyn en vakansie

2009-04-05T05:09:00.000-07:00

In plaas daarvan om te veel te skryf oor die fyner punte van die wynproe, wil ek liewer sommer oor die algemeen in die wynbedryf iets skryf. Ons het al die basiese punte om lekker te kan proe.

Die eerste wat ek raak lees nou die dag, is dat in Frankryk het die hof bepaal dat die Saint Emillion klassifikasie van 2006 geskrap word. Saint Emmillion is een van die mooiste dorpies in Frankryk om te besoek, so hoor ek, was nog self nie daar nie. Ek weet dit is 'n "world herritage site", 'n Ou middel eeuse dorpie, so dit moet fantasties wees. Ieder geval, die klassifikasie, vir die wat nie bekend is daarmee nie, die wynstreke word geklasifiseer en afhangende van die klassifikasie kan jy of meer of 'n laer prys vir jou wyn kry. Die klassifikasie vir Saint Emillion is in 1954 gestig en dit blyk dat nie te maklik gaan nie. Hoop net nie dit beinvloed hul wymaak negatief nie.
As jy wil weet van wyn, hier is 'n site wat skrik vir niks nie: www.ablegrape.com Dit is nou 'n "wine-only search engine".

Hier is so baie vakansie dae en die skole is ook gesluit, dat dit nou die beste tyd is om rond te ry en 'n paar wynplase te gaan besoek. Hier is 'n paar om Stellenbosch in geen besondere volgorde nie:

Neethlinghshof
Uitkyk
Tokara

Dit is nou een in elke rigting, jy kan maar so tussen die plase stop, daar is nog baie!!

Lekker proe

Wyn 101 - Wynproe

2009-03-03T10:46:00.001-08:00

Ek hoop julle het leker wyn geproe? Nou is dit tyd om regtig die wyn te proe! Alhoewel die meeste sal saamstem, dat ons nog nooit nodig gekry het om die wyn uit te spoeg nie. Wel, die goeie nuus is dat ons nie hoef uit te spoeg nie, tensy dit sleg is!
Onthou ons het die wyn al punte gegee vir sy kleur en ons het die wyn "geneus" en nou vir die evaluasie met die proe. n' Mens proe op jou tong en dit is 'n hele 10 punte. Ek gaan egter die proe of die palet 'n bietjie oor twee blogs doen, net eenvoudig dat ons meer kan oefen, dit is tog die lekkerste gedeelte!

In kort; jy sal aan die kante van die tong die suur proe, op die punt soet en agter bitter. 'n Goeie tegniek is om die wyn te rol oor jou tong. Daarvoor is dit raadsaam om'n klein hoeveelheid wyn in die mond te spoel. Jy kan self besluit of jy wil sluk, of uitspoeg. Die uitspoeg help groot-en-deels dat jy kan bly konsentreer en nie vir die laaste wyn vol punte gee omdat jou oordeel jou in die steek laat. Waarvoor moet jy oplet? Weereens in engels:

Entry
Acid
Tannin
Flavour
Sugar
Alcohol
Balance

Gaan proe eers, ek sal volgende keer meer vertel oor bogenoemde. 'n Paar wenke: Tannin is veral by Cabernet Sauvignon wyne en by die Chenin Blanc sal daar gewoonlik acidity teenwoordig wees. Vat enige port of muskadel vir so 'n bietjie soet en die bitter, nou ja, dit wil ons nie regtig proe nie.

Wat is nuus in die omgewing? Dit is nou parstyd so daar is 'n klomp feeste wat wag. My keuse is die Wellington wine harvest Festival op 21 en 22 Maart. Sien julle daar!

" 'n Maaltyd sonder wyn is soos 'n dag sonder sonskyn". Ek kan nie onthou wie se woorde die was nie, maar dit maak sin.

Lekker oes en proe!

Wyn 101 - Snif daai wyn

2009-02-15T01:17:00.000-08:00

Ek hoop julle het lekker geproe! Ons het nou baie in die bottel gekyk of liewers in die glas. Vandag gaan ons meer tyd spandeer om 'n bietjie die aroma van die wyn te bewonder.

Voor ek begin, ek lees 'n artikel wat 'n perd vir die Herald Tribune geskryf het,waar hy in New York van alle plekke van die beste cabernet sauvignon's gekry het teen billike pryse. As 'n cab man myself was ek dadelik nuuskierig om te sien watter wyne dit is. Wat dit nog meer merkwaardig maak is dat dit geidentifiseer is tydens 'n blinde wynproe in Januarie die jaar waaronder 'n "New york Times food and wine critic" een van die beoordeelaars was. Groot was my vebasing dat die wyn almal kom van Stellenbosch omgewing, sommer so op my voordeur.
Uit die 25 bottels wat geproe is, was die 2004, cabernet sauvignon van De Trafford en die 2004, cabernet sauvignon van Rust en Vrede die gunstelinge. Nou toe, daar het jy dit as jy in New York bly. Die wyne prys tussen $20 en $32 in NY.

Ek het ook besluit om waar tyd dit toelaat ook vir julle te vertel van aktiwiteite wat gebeur in die wynbedryf. Soos goeie wyn tyd vat om te verouder so vat dit ook tyd om met een vinger te tik!

Volgende naweek is my keuse die Manuka wynproe in Somerset Wes wat gehou word 21 Februarie. Die proe is gratis en die wyne van Wildekrans word geproe. Gaan soek dit op die net as jy wil weet waar dit is.

So terloops die tydskrif "fynproe" het ook gevou onder die moielike ekonomiese omstandighede. Jammer, dit is puik tydskrif.

Goed, nou by die wynproe. Ons moet nou 7 punte opmaak vir die totaal van 20. Ons het reeds 3 vir die "appearance" . In kort kan jy die neus indeel, nou nie jou eie nie, ons verwys na die aroma, in die volgende sub-afdelings: "Condition, intensity, aroma, bouquet and complexity"

"Condition: The wine should be free of off-odours". Die wyn moet aangenaam wees op die neus. Die mees bekende foute is: "Cork taint, oxidation and volatile acidity".

"Intensity: Is the nose immediately forthcoming, delicate, subdued or shy and closed?" Slaan dit jou asem weg of moet jy die wyn met jou neus inslurp om iets te ruik?

"Aroma: The aroma comes from the character of the grapes. What does the smell remind you of?" Kees, dit is hier waar jy die spanspek kan ruik. Ek sal later tegnieke gee wat dit makiliker sal maak.

"Bouquet: The bouquet comes from odours arising from the production and development of the wine. This can include Vanilla, butter, etc." Daai vaatjie gee 'n spesifieke reuk af afhangende van watter hout dit gemaak is. Byvoorbeeld vanilla is afkomstig van die amerikaanse eik.

Die laaste van die neus kategorie is die "complexity". As jy ruik dan kom daar sommer klomp geure en as jy weer ruik iets anders. Dit dui op 'n wyn met "complexity".

Nou kan julle lekker verder proe/ruik.

Wenk van die week: Diemersfontein se Pinotage. Kyk 'n beitjie wat jy ruik en kyk agterop die bottel. Moet nie verneuk nie, kyk eers na die tyd.

Tot later, lekker proe.

Wyn 101 - Kyk diep in daai glas!

2009-01-19T10:54:00.000-08:00

Hopelik het ons almal 'n bietjie kans gekry om 'n paar wyne te proe. Terloops teen watter temperatuur moet wyn nou eintlik bedien word? Die volgende kan gebruik word as 'n riglyn, onthou as dit toevallig sneeu daar waar jy is sal dit lekkerder wees om wyn teen 'n warmer temperatuur te bedien. Klem op die riglyn. Ieder geval, so drink'n mens wyn:

Wit wyn - 12 Grade Celsius
Rooi wyn - 19 Grade Celsius
Vonkel wyn - 7 Grade Celsius

Kom ons kyk na 'n paar notas wat gemaak is tydens ons wynproe. Ons hanteer net die voorkoms of dan die kleur en struktuur van die wyn. Inlyn met ons internasionale benamings en om verwarring te voorkom gebruik ons net die engelse beskrywings.

"Appearance" hier moet jy 'n punt uit 3 gee. Waarvoor kan jy punte gee?

"Clarity - clear, bright, brilliant, cloudy, etc."
"Depth" - Kantel die glas skuins sodat dit amper uitloop (Tong van die wyn raak aan die rant van die glas) en kyk na die hart van die wyn aan die onderkant van die glas. Wat sien jy? By 'n rooi wyn: "deep, translucent, opaque" en by 'n wit wyn: "colourless, pale, light, etc."
"Colour - white wine: straw, gold, lemon, green, etc. and red wine: ruby, purple, tawny, brick red, etc."
"Gradation - the gradation from the heart to the meniscus." Die verandering in die kleur vanaf die hart tot by die rant of meniskus gee 'n aanduiding van die ouderdom van die wyn. Hoe meer die verskil in kleur van die wyn na die kant hoe ouer is die wyn. Onthou egter dit is meer by rooi wyne van toepassing, jy sal net kommentaar gee by wit wyne as die verskil baie duidelik is.

Nou weet ons waarna om te kyk. Dit alles net vir 3 punte en daar moet 'n totale punt van 20 gegee word!

Lekker proe. Wenk: Probeer 3 rooi variteite om mee te oefen aangesien die kleur makliker onderskei kan word, bv. Pinotage, Cabernet Sauvignon en 'n Shiraz

Wyn 101 - Kyk, Ruik en Proe

2009-01-12T11:37:00.000-08:00

Daar word gepraat van wynproe maar eintlik is die proe maar een van die sintuie wat gebruik word en ook die laaste. Gooi solank 'n glas wyn. Nou hoe word dit nou eintlik gedoen? Daar is basies 3 sintuie wat gebruik word en in volgorde: visueel (Kyk met die ogies), reuk (Gebruik daai neus) en laaste smaak (Rol daai wyn in die mond oor die tong).
Daars-hy, kyk, ruik en proe. Probeer dit met jou wyn en skryf 'n paar punte neer. Wat sien jy? (beskryf die kleur), wat ruik jy? (probeer dit koppel aan reuke wat jy ken) en wat proe jy? (gebruik jou verbeelding jy kan nie verkeerd wees nie!) Dit is belanrik om notas te maak, in wynproe gaan jy dit nog baie doen! Lekker proe, volgende keer kyk ons na meer spesifieke punte.

Ter loops: Ek lees Frankryk wil wetgewing in bring om alle landgoede te dwing om geld te vra vir wynproe, so as jy nog nie 'n draai in Bordeaux gemaak het sal jy moet wikkel!

'n Bietjie Wyn?

2009-01-08T22:47:00.000-08:00

Noem dit maar die "101 in wynproe". Hier gaan 'n stadige, tog lekker pad gevolg word vir die Jan-alleman om te leer van wyn, dit is nou myself en sommer te deel van wat is lekker van die of daai wyn.

Nog 'n bietjie wyn, want dit is lekker.